Siyasət

Politoloq: “Macarıstan şirkətinin Cəbrayılda kəndi bərpa etməsi Azərbaycanla əməkdaşlığa yeni təkan verəcək”

“Macarıstan şirkətinin işğaldan azad edilmiş Cəbrayıl rayonunun Soltanlı kəndinin yenidən qurulmasında iştirakı Bakı ilə Budapeşt arasında ikitərəfli əməkdaşlığın inkişafına müsbət təsir göstərəcək və iki ölkə xalqlarının yaxınlaşmasına töhfə verəcək”.

Bunu “Report”a açıqlamasında təhlükəsizlik siyasəti üzrə macar ekspert Atilla Demko bildirib.

Onun sözlərinə görə, Macarıstan Azərbaycanla dostluq münasibətlərinin və mədəni-tarixi əlaqələrin qorunub saxlanmasına böyük önəm verir: “Azərbaycan da öz növbəsində Macarıstanın enerji təhlükəsizliyinin təmin edilməsində mühüm rol oynayır”.

Digər macarıstanlı politoloq Zoltan Kisellinin fikrincə, Bakı ilə Budapeşt arasında enerji əməkdaşlığı bir çox Qərbi Avropa ölkələrinin Azərbaycanın təbii qazını kəşf etməsindən xeyli əvvəl başlayıb: “Macarıstan təkcə Azərbaycanla enerji əməkdaşlığında maraqlı deyil. Məsələn, Macarıstan şirkəti Cəbrayıl rayonunun Soltanlı kəndinin bərpasına kömək edəcək. Beləliklə, Macarıstan hökuməti postmünaqişə bölgələrində yaşayış şəraitinin yaxşılaşdırılmasına töhfə vermək niyyətindədir”.

O, həmçinin Azərbaycan, Macarıstan, Gürcüstan və Rumıniya arasında Qara dəniz vasitəsilə elektrik enerjisinin ötürülməsi üçün sualtı kabel layihəsinin əhəmiyyətini vurğulayaraq onu strateji layihə adlandırıb.

Mənbə:Report

xeberler

Related Articles

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button