Siyasət

İqor Korotçenko: “Zəngəzur dəhlizinin açılmasının alternativi yoxdur”

“Rusiya Zəngəzur dəhlizinin açılmasını vacib sayır”.

“Report”un Rusiya bürosunun məlumatına görə, bunu Xəzər Strateji Araşdırmalar İnstitutunun (Rusiya) baş direktoru İqor Korotçenko deyib.

“Rusiya dəfələrlə bu infrastruktur layihəsinin açılmasının vacibliyini vurğulayıb. Bu, 2020-ci il noyabrın 10-da imzalanmış üçtərəfli bəyanatda da qeyd olunub. Hər halda, Moskva regionda nəqliyyat kommunikasiyalarının açılmasının və üçtərəfli bəyanatda qeyd olunan müddəaların tam şəkildə həyata keçirilməsinin tərəfdarıdır”, – İ.Korotçenko bildirib.

Politoloq xatırladıb ki, Ermənistanın baş naziri Nikol Paşinyan ötən ilin sonunda Zəngəzur dəhlizinin açılmasından rəsmi şəkildə imtina edib: “Azərbaycan Prezidenti İlham Əliyev öz növbəsində dəfələrlə bəyan edib ki, bu proses həyata keçiriləcək, Azərbaycan öz üzərinə düşən işi yerinə yetirir, Ermənistan tərəfi öz öhdəliklərini həyata keçirməlidir. Zəngəzur dəhlizinin açılmasının alternativi yoxdur”.

Mənbə:Report

xeberler

Related Articles

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button