Rəşad Mahmudov: Rezidenturanın doktorantura səviyyəsi kimi qəbul edilməməsi ilə bağlı problem var

Tibb təhsili alan tələbələrin rezidentura proqramının doktorantura səviyyəsi kimi qəbul edilməməsi ilə bağlı problem var.

APA xəbər verir ki, bunu Milli Məclisin Səhiyyə komitəsinin sədr müavini Rəşad Mahmudov deyib.

O bildirib ki, dünyada tibb təhsili üzrə rezidentura təhsili 8-ci kvalifikasiya səviyyəsi kimi qəbul olunursa, bizdə 7-ci səviyyə kimi qəbul edilir:

“Belə olduğu təqdirdə tələbələr 8-ci səviyyə üçün harada təhsil almalıdırlar? Dünyada bunun bir modeli yoxdur. Tibb təhsilinin 7-ci pilləyə, rezidenturanın isə 8-ci pilləyə müvafiq tutulması doğru olardı”.