Böyük Britaniya G7 sammitində Ukrayna məsələsini müzakirə etmək niyyətindədir

Böyük Britaniyanın baş naziri Rişi Sunak Xiroşimadakı G7 sammitində Ukraynanın təhlükəsizlik zəmanətlərini müzakirə etmək niyyətindədir.

APA-nın Britaniya bürosunun xəbərinə görə, bu barədə o, “Sky News”a açıqlamasında deyib:

“İstəyirəm ki, mənim həmkarlarımla aparacağım və artıq apardığım müzakirələrdən biri, Rusiyanın gələcək təcavüzkar hərəkətlərinin qarşısını almaq və onların öz qoşunlarını geri çəkməli olduğunu başa salmaq üçün Ukrayna üçün uzunmüddətli təhlükəsizlik sazişləri olsun”, – deyə baş nazir bildirib.

O, həmçinin Rusiya rəhbərliyini əmin edib ki, Qərbin Ukraynaya dəstəyi uzunmüddətlidir.